Er du mellom 13 og 26 år og bur i Hallingdal? Hausten 2026 får du sjansen til å lære dans, song, spel og teater – og vere med å skape ei heilt ny sceneframsyning frå grunnen av.
Har du lyst til å prøve noko du aldri har gjort før, saman med andre ungdomar frå heile dalen? No startar vi opp prosjektet «Folkedans der vi bur», der du er med og skaper. Og her handlar det ikkje berre om dans: du lærer folkedans, folkesong og spel – og å stå på ei scene. Du treng ingen forkunnskapar. Er du nysgjerrig, så er du kvalifisert.
Ei forteljing med futt
Framsyninga heiter Tors Brudeferd – skriven av Ove Bråten frå Torpo – og byggjer på ei dramatisk norrøn soge: ein jotun stel hammaren til Tor og krev gudinna Frøya som brud for å gje han attende. Lurt som det er, kler Tor seg ut som brur for å narre jotnane … Resten får du oppleve – og vere med å forme sjølv.
Du får eigarskap
Dette blir ikkje ei ferdig framsyning du berre skal pugge. Du er med på å lage koreografi, tolke scener på nytt og setje ditt eige preg på det heile – saman med profesjonelle dansarar, musikarar og teaterfolk. Ein av dei er Silje Onstad Hålien, kåra til Årets Folkedansar 2025. Målet er stort: premiere på Folkemusikkveka på Ål, Sprang scene, i mai 2027.
Sjå Silje i aksjon
Her er Silje Onstad Hålien sin koreografi frå Dansens dager 2025 – dansa saman med Martin Myhr:
Slik startar det — helga 12.–13. september, Hugnadheim (Torpo)
- 🎭 Laurdag 12. september: dans, spel og teaterleik kl. 12.00–16.00 (frukt-/kaffipause kl. 14.00). Middag kl. 16.00, og etterpå leikeøkt med teaterleik og dans.
- 🌞 Sundag 13. september: dans, spel og teaterleik kl. 10.00–14.30 (dugurd kl. 12.00).
- Du er med heile helga saman med profesjonelle dansarar og musikarar.
Utvalt bilde – illustrasjon: Elmer Boyd Smith (1902), offentleg eige.
tradisjonskultur.no